shkrime

(Tekst për këngë)

Zëri i dëshmorëve
del kushtrim nga toka:
«Shtrenjtë kushton liria,
kurrë nuk e fal bota».

Plaga kullon gjak
shqipja copa-copa.
Çdo kufi një lak,
veshin shurdh Evropa.

Plumb robëria,
n’tokën ton peshon,
nga ndarjet e reja
shqipja keq lëngon.

Ndarjet janë të thella,
vjellin vrer të zi,
farkojnë pranga t’rënda
sjellin prapë robëri.

N’gjakun e dëshmorëve,
shqipja i lanë plagët,
n’fluturim hidhet
dhe i shkallmon prangat.

Zëri i dëshmorëve
del kushtrim nga toka:
«Shtrenjtë kushton liria,
kurrë nuk e fal bota».

Avni Dehari, Bernë, 18. 9. 1995